Monday, January 30, 2023

TARAVARI: Sot Gostivarin, gostivarasit dhe ne personalisht na nderoi me vizitë Ambasadorja e Shteteve të Bashkuara të Amerikës, SH.S. Angela Price Aggeler

Sot Gostivarin, gostivarasit dhe ne personalisht na nderoi me vizitë Ambasadorja e Shteteve të Bashkuara të Amerikës, SH.S. Angela Price Aggeler.

Së bashku me Kryetarin e Këshillit të Komunës së Gostivarit, Valbon Limani, shoqëruam ambasadoren në një shëtitje në qytet për të bashkëbiseduar me qytetarët tanë, për t’u njohur me kulturën dhe traditat e qytetit dhe për të ndjerë mikëpritjen gostivarase. Së bashku me ambasadoren shijuam bakllavanë e Gostivarit, të njohur tanimë si një nga veçantitë tona të gatimit.

E falënderova Ambasadoren Aggeler për mbështetjen e vazhdueshme të SHBA-ve për vendin dhe komunën tonë, ku kemi zhvilluar shumë projekte në bashkëpunim me agjenci të ndryshme të financuara nga populli mik amerikan. Bashkëbiseduam edhe për projektet e së ardhmes në komunë dhe shpreha mirënjohje për bashkëpunimin e shkëqlyeshëm në funksion të rritjes së mirëqenies qytetare dhe mjedisore, transparencës dhe llogaridhënies.

Bashkërisht vazhduam edhe në diskutimin e organizuar nga Qendra Rinore dhe Komunitare (YCC) në Gostivar, një bashkëfinancim i Ambasadës së SHBA dhe e Komunës së Gostivarit, ku u mbajt diskutimi “Të flasim për sfidat dhe të ardhmen e Maqedonisë së Veriut”.

TË FUNDIT

Edhe njëherë për vetminë

Edhe njëherë për vetminë Shkruan: Hamdi Nuhiju Vetmia po bën thirrjen e kobshme. Po mbledh të gjithë të dëshpëruarit, të lodhurit, të përbuzurit, të vyshkurit nga...
Marketing
Marketing
- Advertisement -